Programi i Zhvillimit Rural i Instrumentit të Asistencës së Parazgjerimit (IPA) të Republikës së Shqipërisë (2014-2020) (IPARD)
Ministria e Turizmit dhe Mjedisit, Ministria e Bujqësisë dhe Zhvillimit Rural, Komunat
2014 - 2020
Objektivi i Përgjithshëm
Objektivi i përgjithshëm i masës është të rrisë punësimin përmes krijimit të vendeve të reja të punës dhe mirëmbajtjes së atyre ekzistuese nëpërmjet zhvillimit të aktiviteteve të bizneseve, duke rritur nivelin e aktivitetit ekonomik në zonat rurale, duke rritur në mënyrë të drejtpërdrejtë të ardhurat e familjeve të fermerëve dhe duke kthyer përmbys depopullimin rural dhe duke kontribuar në një balancë më të mirë territoriale si në aspektin ekonomik dhe në atë social.
Përmbledhja e Projektit
Mbështetja e kombinuar që u është ofruar sektorëve në mënyrë që a) të forcojnë aftësinë e tyre konkurruese dhe b) të arrijnë standardet e BE-së është e rëndësishme për zhvillimin e nënsektorëve dhe në kontributin e profesionalizmit të lartë që kërkohet për tregun e ardhshëm. Ndërkohë që përzgjedhja e masave është e kuptueshme kur merret parasysh koha e pritshme e akreditimit dhe zbatimit, vonesat e parashikuara e bëjnë të domosdoshme marrjen e përfshirjes shtesë të masave të tjera nga faza e 2-të e synuar e programit nga viti 2017. Shërbimet këshilluese janë të nevojshme për transferimin e njohurive te fermerët dhe ndërmarrjet në zonat rurale; masat agro-mjedisore dhe klimaterike janë të rëndësishme për fermerët e zonave të thella dhe malore dhe mund të kontribuojnë në zhvillimin e këtyre zonave dhe qasja LEADER është e rëndësishme – pas një periudhe përgatitore dhe themeluese për Grupet Vendore të Veprimit – me qëllim stimulimin e nismave lokale dhe mobilizimit të burimeve lokale për zhvillimin e territoreve. Ndikimet e parashikuara të pritura të programit do të kontribuojnë në zhvillimin ekonomik në vend dhe veçanërisht në zonat rurale.
Aktivitetet
• Vlerësimi i përmbushjes së analizës së pikave të forta, pikave të dobëta, mundësive dhe rreziqeve (SWOT)
• Analizimi i shkaqeve të pabarazive të identifikuara
• Identifikimi dhe vlerësimi i forcave nxitëse drejt zhvillimit të qëndrueshëm rural dhe përgatitjes për zbatim dhe menaxhim të politikave agrikulturore të Komunitetit
• Kontributi në përcaktimin e treguesve bazë të konteksteve dhe objektivave (të zakonshëm dhe në lidhje me programin) duke verifikuar dhe aty ku është e përshtatshme, duke sugjeruar modifikime të treguesve dhe shifrave të propozuara
• Vlerësimi, dhe aty ku është e përshtatshme, sugjerimi i rishikimeve në renditjen e pabarazive dhe përparësive të caktuara për nevojat e identifikuara dhe përkthimin e tyre në objektiva dhe përparësi konkrete për veprim
• Vlerësimi i kuantifikimit në mënyrë domethënëse dhe të verifikueshme të objektivave, i cili lejon monitorimin dhe vlerësimin vijues të programit, veçanërisht në lidhje me programin e shërbimeve dhe qëndrueshmërisë
• Vlerësimi i aplikimit korrekt të treguesve të zakonshëm bazikë dhe dobinë e treguesve bazikë specifikë për programin, si dhe treguesit bazikë specifikë për programin të ndikimit të cilët reflektojnë objektivat specifike dhe rrethanat në lidhje me programin përkatës
• Vlerësimi i rezultateve të pritshme dhe ndikimeve të masave; në këtë drejtim vlerësimi paraprak duhet t’i kushtojë vëmendje të veçantë verifikueshmërisë së rezultateve të masave përkatëse
• Verifikimi i funksionimit të mekanizmave të grumbullimit të të dhënave për të siguruar përcjelljen e rregullt të tendencave gjatë fazave të ndryshme të programit të pasqyruara në treguesit e aplikuar
• Vlerësimi i dispozitave zbatuese për menaxhimin, monitorimin dhe vlerësimin e programit me fokus në sigurimin e një menaxhimi të rregullt dhe efikas. Kjo do të përfshijë një vlerësim të rreziqeve që vijnë nga pengesat e mundshme që ketë zbatimi i programit dhe rekomandimet për veprime parandaluese
• Sigurimi në lidhje me vlerësimin, që objektivat dhe treguesit përkatës janë zbatuar në mënyrë domethënëse për të formuar një bazë të përshtatshme për monitorimin dhe vlerësimin e performancës
• Analiza e vështirësive të zbatimit dhe incidenteve kritike në dritën e përvojës së fituar gjatë periudhave të mëparshme të programimit (kombëtar dhe / apo komunitar ose çfarëdo programi me ndihmën e donatorëve)
• Vlerësimi i cilësisë dhe shtrirjes së marrëveshjeve të partneritetit
Rezultatet e pritura
- Gjenerim i rritjes së të ardhurave;
- Mundësi punësimi më të mira;
- Rritje e shkallës së prodhimit;
- Rritje e shkallës së investimit;
- Rritje e prodhimtarisë;
- Rritje e cilësisë së produktit;
- Pajtueshmëri me standardet e SMRr-së dhe BE-së;
- Rritje e bazës së njohurive;
- Akses i përmirësuar për kërkime, zhvillime dhe risi nëpërmjet rrjetit publik të shërbimeve të këshillimit, Qendrat e Transferimit të Teknologjive Bujqësore (QTTB) dhe institucione kërkimore;
- Zhvillim i tregut të tokave për të kapërcyer problemet në bujqësi në shkallë të vogël dhe të fragmentuar;
- Zhvillim i infrastrukturës, duke përfshirë menaxhimin e ujërave (menaxhimin e furnizimit, ujërave të zeza, përmbytjet dhe thatësirave), elektricitetit dhe rrugëve për të siguruar një prodhim të efektshëm dhe efikas dhe të lejojë aksesin në treg gjatë dimrit dhe nga zonat malore.
