Konsolidimi i Agjencive ligjzbatuese – Mbështetje për Policinë e Shtetit, Prokuroritë e Përgjithshme dhe Prokuroritë e Rrethit (PAMECA)
- Ministria e Punëve të Brendshme në Shqipëri
- Drejtoria e Përgjithshme e Policisë së Shtetit në Shqipëri
- Prokuroria e Përgjithshme e Shqipërisë
prill 2017 - gusht 2020
Objektivi i Përgjithshëm
Përmirësimi i kapaciteteve të Policisë së Shtetit (PSH) dhe Prokurorisë së Përgjithshme (PP) për të përmbushur objektivat e tyre në trajtimit e krimit të rëndë dhe të organizuar dhe trafikut të drogës në mënyrë proaktive, dhe për t’iu përgjigjur nevojave të komunitetit vendor në lidhje me sigurinë publike dhe sfidat e menaxhimit të kufijve në drejtim të rrjedhës së migrantëve dhe azilkërkuesve.
Përmbledhja e Projektit
Ky projekt është krijuar për të përmirësuar kapacitetin e Policisë së Shtetit (PSH) dhe Prokurorisë së Përgjithshme (PP) për t’iu përgjigjur nevojave të komunitetit vendor në aspektin e sigurisë dhe sigurimit publik duke zvogëluar krimin dhe çrregullimin. Ai forcon bashkëpunimin ndër-agjencore dhe ndërkombëtar; rrit kapacitetet hetimore të strukturave të reja të ngritura dhe ato ekzistuese; zgjeron mjete të posaçme të hetimit, duke i kushtuar vëmendje pasurive kriminale; zhvillon legjislacionin në përputhje me acquis e BE-së dhe zhvillon një qasje gjithëpërfshirëse/strategjike të kuptueshme nga të gjithë ndaj krimit të organizuar (duke u përqendruar në parandalimin, mbrojtjen dhe ndjekjen penale).
Aktivitetet
Dhënia e Ndihmës Teknike për të rritur aftësitë profesionale të institucioneve ligjzbatuese dhe shërbimet e prokurorisë në përputhje me praktikat e BE-së në fushat e mëposhtme:
- Lufta kundër krimit të rëndë / të organizuar, korrupsionit dhe krimit financiar me fokus në kapacitetet e hetimit dhe ndjekjes penale dhe aftësive proaktive të hetimit
- Lufta kundër terrorizmit
- Menaxhimi i Integruar i Kufirit ka në fokus veçanërisht sfidat e migrimit të parregullt dhe azilkërkuesit
- Planifikimi strategjik dhe koordinimi i kapaciteteve të PSH-së, PP-së dhe Ministrisë së Punëve të Brendshme
- Menaxhimi i burimeve njerëzore dhe financiare të Ministrisë së Punëve të Brendshme, PSh-së dhe PP-së
Rezultatet e pritura
- Rritja e kapaciteteve të hetimit, ndjekjes penale dhe aftësive proaktive të hetimit të PSH-së, prokurorive dhe agjencive të tjera përkatëse në luftën kundër korrupsionit, krimit financiar, krimit të rëndë / të organizuar
- Rritja e kapaciteteve të parandalimit, hetimit dhe ndjekjes penale ndaj përfituesve të projektit në luftën kundër terrorizmit
- Forcimi i Kapaciteteve të Menaxhimit të Integruar të Kufirit
- Përforcimi i kapaciteteve të koordinimit dhe planifikimit strategjik të përfituesve dhe strukturave mbështetëse të tyre
- Përmirësimi i kapaciteteve të përfituesve për të planifikuar dhe menaxhuar burimet e tyre njerëzore, financiare dhe teknike
